15 نصيحة ذهبية في تقسيم المهر

كُتبت المقالة من قبل زفاف.نت

5:04 دقائق

25.03.2020

عروستنا أخذتي مهرك ومحتارة كيف ومن وين لازم تبدأي ؟ شو هي الطريقة المثالية بتقسيم المهر؟ وشو هي الأشياء الي لازم تراعيها والأشياء الي تتجنبيها ؟

حضري ورقة وقلم وتعالي نحكي عن أهم 15 نصيحة في تقسيم المهر، هالنصائح حتخليكي تبدأي رحلة تجهيز العروس بخطوات واثقة وتكوني منظمة وبعيدة عن التوتر وشد الأعصاب!

bridal

ابدأي بدفتر الملاحظات

الخطوة الأولى دائماً هي كتابة ماتحتاجينه من أغراض للتجهيز بالتفصيل وحسب الأولوية ضمن دفتر خاص وهذا الشي سيفيدك ليس فقط في تقسيم المهر والتجهيز وانما في كل حياتك فيما بعد لأن الموضوع سيتكرر بالنسبة لمصروف البيت والأولاد ان شالله بعد الزواج .

جهزي قائمة بالأشياء الأساسية والضرورية التي تحتاجينها وما يصير جهاز العروس من دونها ، وقائمة ثانية بالكماليات والأشياء الي من الممكن الاستغناء عنها في حال لم تكفي الميزانية .

كل شيء تحتاجينه سجليه حتى لو حسيتي انه مو ضروري يتسجل، لأنه هي القائمة حتكون مرجعك الرئيسي لكل لوازمك وحاجياتك الي لازم تشتريها حتى لا تنسي ولا تتوتري وانت تحاولي فيما بعد تتذكري الاشياء الي ما اشتريتها والي اشتريتها وتخلطي بين الضروري والأشياء الكمالية، هيك بتبقي منظمة وأفكارك مرتبة .


استكشفي السوق

انزلي على السوق جولة استكشافية ، تعرفي فيها على الأسعار بالعموم،المحلات والأماكن الي ممكن تشوفي عندهم اشياء تناسب العرايس هالشي حيساعدك تحددي المبالغ بشكل تقريبي لكل تفصيل من اغراض التجهيز و حيسهل عليك بوقت النزلة الحقيقية انك تروحي فوراً للمكان المناسب وتوفري الوقت والجهد.

أيضاً بهذه النزلة ألقى نظرة على فساتين الزفاف وفساتين السهرة، حتى يكون لديك تصور عن تصاميم فساتين الزفاف الحديثة والأسعار اللي بتقابل هي التصاميم.

shopping

سجلي كافة مشترياتك

سجلي كل شيء تشتريه وحاولي تجمعي الفواتير كي لا تنسي الأسعار حتى أصغر الأشياء سجلي كم دفعتي سعرها لأنه هي الأشياء الصغيرة تتجمع وببتطلع بالأخر مبالغ كبيرة وانت ماحسيتي فيها.

بعد كل جولة بالسوق ارجعي سجلي كل التجهيزات اللي جبتيها أول بأول واشطبي من القائمة الأساسية الأغراض الي اشترتيها وموجودة بالقائمة، هالشي بساعدك تحسي بالإنجاز انك قضيتي جزء من مهامك وبخفف من توترك .


تابعي العروضات والتنزيلات

استغلي وقت الرخص والعروض الخاصة بالعرايس، وكثفي نزلات السوق بهالأوقات، لتستفيدي من التنزيلات الي بتعملها المحلات الكبيرة والماركات، غالب الأوقات بتكون مفيدة وبتقدري تاخدي قطع مميزة بأسعار مقبولة وأحياناً بنصف السعر.

شوفي أسواق الذهب الرخيصة مثل سوق الذهب بالرياض واللي بيكون فيها موديلات وتصاميم متنوعة وأسعارها معقولة جداً بتناسبك لو كان مهرك قليل.

وحاولي نزلات السوق تكون متخصصة لقسم معين من الدبش، كل مرة شيء معيّن مرة فستان الزفاف مرة مكياج مرة بيجامات وهكذا، وأقول حاولي لأني اعرف نحن البنات نحب نشوف كل شيء بالمحلات ويلفت نظرنا غالباً الاشياء الي لانريدها الأن، وكل الأغراض الي تكون مو لازمتنا الحين منلاقيها أمامنا :)

shoes

استفيدي من أغراضك القديمة

كلنا كبنات منهتم من سن صغير بلبسنا ومكياجنا وعنا خزينة لا بأس بها فمو كل شيء قديم نرميه، بالعكس حاولي تستفيدي منها وتقاطعيها مع الأشياء الي لازمتك حتى ماتكرري أشياء عندك ياها بالأساس.

وبإمكانك بإعادة تنسيق قطعة قديمة عندك مع شي جديد تغيرها كلياً وتعطيك لوك مختلف تماماً عن الي تعودتي عليه فيها!


اتركي الحقائب والأحذية للآخر

اتركي الشوز والحقائب والاكسسورات اخر مرحلة في التجهيز، بعد ماتشتري التياب والفساتين لتقدري تعرفي بسهولة شو هي الألوان الي لازمتك انه تجيبيها وتليق بالتياب الجديدة وما تشتري شي ما تستفيدي منه.


لا تشتري متفرقات لا تليق ببعضها

لا تشتري قطع متفرقة وتقولي " يلا بعدين ببحث عن شي يليق بها " يعني تشتري تنورة او بلوز وماتعرفي مسبقاً ولو حتى بخيالك شو ممكن يليق عليه من خزانتك او من التياب الجديدة الي اشتريتها، حاولي تنسيق القطع مع بعضها حتى ما تتراكم عندك ألوان لا تليق على بعضها وما تنلبس بالنهاية وتكوني ضيعتي عليها من ميزانتيك!


لا تكثري الشراء من الماركات

لا تاخدي كل ثيابك من الماركات الغالية والاسعار المبالغ بها، حددي فقط الأشياء الأساسية الي لازم تكون ثقيلة وكشخة واشتريها من الماركات متل تياب الخروج والمناسبات المهمة، أما تياب البيت والبيجامات مثلاً مو بالضرورة تكون غالية او ماركات المهم النوعية والموديل يكون مرتب وبيليق عليك.

لكن بالطبع أدوات التجميل والميكب من الضروري إنو تكون من ماركات المكياج العالمية والنوعيات اللي متعودة بشرتك عليها عشان ما تسببلك أية تحسس.


لا تكثري من فساتين السهرة

مافي داعي تشتري فساتين سهرة كثيرة، فمن المعروف انه شكل جسم العروس بيتغير بسرعة خاصةً إذا صار حمل بإذن الله كل شكل الجسم بيتغير وبتفقدي كل فساتينك وبتحزني عليها انه ماقدرتي تلبسيها، لهيك كوني حكيمة واختاري فستانين او تلاتة منوعين بالقصات والألوان وبخامة راقية وأي مناسبة طارئة بعد الزواج ممكن تنزلي السوق وتشتري !


اعتني بنفسك وجمالك

شخصياً بنصحك انه المبلغ الأكبر من المهر تخليه للاعتناء بنفسك لأنه في كثير من التفاصيل وانواع العناية ممكن ماتقدري تعمليها فيما بعد، إضافة إلى ان العروس لازم تكون عروس بكل تفاصيلها وهذا هو الوقت المناسب لتعتني بنفسك بأقصى درجة وتوصلي لزوجك بكامل جمالك ورونقك . وبذكر من تفاصيل العناية ( تبيض الأسنان – الليزر – البشرة والشعر .. )

tips

لا تكثري من شراء العطور

اعرف اكيد انها نقطة ضعفنا كبنات ومامنستغني عنها لكن حاولي انك ماتكثرين منها لأن حتستقبلي العطور كهدايا كثيراً بعد الزواج .

فالكثير من صاحباتك عند التفكير بهدايا العروس فوراً رح يخطر ببالن العطور والأكيد انو كثير منهن بيعرفوا عطرك المفضل ورح يجيبولك يا هدية فما تخافي وما تجمعي الكثير من العطور.

كمان العطر هو من الأغراض اللي دائماً نحنا البنات نحب نروح ونشتريها بكل الأوقات، فلما يخلص العطر أو البخور من عندك رح تجيبي غيره بسهولة.

perfume

لا تجربي أشياء جديدة بجهازك

لا تلجأي لمستحضرات أو أدوات تسخدمينها لأول مرة او ماتعرفين عنها أي شيء من قبل، سواء في المكياجات أو أدوات العناية بالشعر السيشوار او السراميك حتى في أبسط الأمور اعتمدي على الأشياء الي متعودة عليها او حدا ثقة نصحك فيها لأن أبداً مو هذا هو الوقت المناسب للتجريب والاختبار!

حتى فيما يخص حجوزات مشاغل التجميل او قاعات الزواج شوفي كل شيء بعينك وتأكدي من الأسعار قبل ما تتورطي وتدفعي !


استثمري في مهرك

إذا كان مبلغ المال الخاص بمهرك كبير ويكفي لشراء كافة تجهيزاتك ويزيد، فكري في استثمار مبلغ صغير من المهر في مشروع صغير او شراء أسهم في بنوك اسلامية هذا الشي ممكن يفيدك فيما بعد بتأمين مدخول مستقل وأرباح صافية، وأكيد رح يعطي فكرة لزوجك انك شخص عقلاني وتعرفي كيف تديري مصروفك بأحسن طريقة.


خصصي جزء للصدقة

خلّي دايماً للصدقة جزء خاص من مهرك لعل رب العالمين يطرح فيه البركة والوفرة ويسهلك أمورك ـ وبتكون ان شالله فاتحة لطريق سعيد ومبارك في حياتك الجديدة .


ابتعدي عن التوتر

لا تتوتري وتتعبي أعصابك بالتفكير كل هذه الأشياء حتأثر ع بشرتك وجسمك تأثيرات سلبية، تنظيم أمورك من البداية حيخليكي مرتاحة ومسيطرة على المصاريف وعارفة كل خطوة بتخطيها تماماً ، خدي نفس عميق وريحي أعصابك امسكي ورقة وقلم وتابعي نصائحي وان شالله بتكون رحلة تجهيز ممتعة وسهلة :)

كوش وتنظيم حفلات

أفضل مزودي خدمات كوش وتنسيق حفلات في مدينتك

في كل عام, يتواصل 3.000.000 عروس وعريس مع مقدمي الخدمات في زفاف.نت. أنت أيضاً يمكنك العثور على مزود الخدمة المناسب لطلبك من بين المئات.

كوش وتنظيم حفلات

مقالات آخرى

عرض المزيد من مقالات 'كوش وتنسيق حفلات!'

مقدمي خدمة كوش وتنسيق حفلات

تم عرض مقدمي خدمات كوش وتنسيق حفلات هنا!

التعليقات (0)